🟦2025 წლის სექტემბერში ქ. ნიუკასლში

🟦2025 წლის სექტემბერში ქ. ნიუკასლში გაიმართა საქართველოს პროფესიონალ ბუღალტერთა და აუდიტორთა ფედერაციის (ბაფი) ოფიციალური ვიზიტი ბუღალტერთა საერთაშორისო ასოციაციაში (AIA). ვიზიტის ფარგლებში მხარეებმა განიხილეს პროფესიის წინაშე არსებული გამოწვევები და თანამშრომლობის შესაძლებლობები. შეხვედრების შემდგომ ხელი მოეწერა ურთიერთთანამშრომლობის მემორანდუმს ბაფ-სა და AIA-ს შორის. აღსანიშნავია, რომ ვიზიტი შედგა ბრიტანული მხარის ინიციატივისა და მოწვევის შედეგად.

🔹მემორანდუმი მიზნად ისახავს ორმხრივი თანამშრომლობის გაღრმავებას შემდეგ მიმართულებებში:

• პროფესიული განვითარება – ერთობლივი ტრენინგების, სემინარებისა და კონფერენციების ორგანიზება.

• ტექნიკური თანამშრომლობა – კვლევების, საუკეთესო პრაქტიკისა და პროფესიული მასალების გაზიარება.

• ინსტიტუციური გაძლიერება – ბაფის და მისი წევრების ორგანიზაციული უნარების განვითარება.

• ადვოკატირება და პოლიტიკის მხარდაჭერა – პროფესიის პოპულარიზაცია ეროვნულ და საერთაშორისო დონეზე.

• ციფრული ტრანსფორმაცია – ინოვაციური ციფრული ინსტრუმენტებისა და გამოცდილების გაზიარება.

• კვალიფიკაციის აღიარება – კვალიფიკაციისა და წევრობის ურთიერთაღიარების/ჩათვლის მექანიზმების მოძიება.

🔹მემორანდუმი ძალაშია სამი წლის განმავლობაში და წარმოადგენს მნიშვნელოვან ნაბიჯს ბაფის საერთაშორისო პარტნიორებთან ურთიერთობის გაძლიერებისა და საქართველოში ბუღალტრის პროფესიის განვითარების კუთხით.

🔹ვიზიტს წინ უძღოდა AIA-ს საქმიანობის დამოუკიდებელი შეფასება (ე.წ. Due Diligence) ბუღალტერთა საერთაშორისო ფედერაციაში (IFAC) AIA-ს წევრობის განაცხადის განხილვის ფარგლებში, რომელიც ბაფმა განახორციელა სპონსორი ორგანიზაციის სტატუსით.

🔹შეფასება ჩატარდა დამოუკიდებელი ექსპერტის, იური დოლიძის ჩართულობით და მოიცავდა AIA–ს მმართველობითი და ოპერაციული სტრუქტურის, ფინანსური მდგრადობის, განათლების სტანდარტების, ასევე დისციპლინარული პროცესების ანალიზს.

🔹შეფასების შედეგად ბაფმა დაადასტურა, რომ AIA–ს მმართველობა და ოპერაციები შესაბამისობაშია ორგანიზაციის საქმიანობის მასშტაბთან და ის ავლენს სათანადო ერთგულებას IFAC–ის მისიისა და საერთაშორისო სტანდარტების მიმართ.

🔹ვიზიტის ფარგლებში ბაფს წარმოადგენდნენ: ლევან საბაური - ბაფის გამგეობის თავმჯდომარე; ლევან კანკავა - შპს ფრაისუოთერჰაუსკუპერს საქართველო გარიგების პარტნიორი, ბაფის ნამდვილი წევრი; ლავრენტი ჭუმბურიძე - ბაფის აღმასრულებელი დირექტორი.

#BAF